என்ன மார்க்?

ஊரெங்கும் நந்தினி பற்றி பேச்சு.

அவருடைய பேச்சு பற்றியும் பேச்சு.

பொதுத்தேர்வில் 600 மதிப்பெண்கள்.

வரலாற்றுச் சாதனையா? 

எங்கோ தவறு நடந்திருக்கிறது.

பாடத்தைத் தாண்டிய அறிவு

பள்ளியில்தான் கொடுக்கப்பட வேண்டும்.

மனனம் செய்து மந்திரம் ஓதுவோருக்கு வேண்டுமானால்

வாந்தி எடுக்கப் பிடித்திருக்கலாம்.

இப்பொழுதும் நமக்கெல்லாம் அது 

மணமாகவேத் தெரிவதுதான் வேதனை.

மொழிப்பாடத்தில்கூட முழுமதிப்பெண் 

யாரால் சாத்தியப்படக்கூடும்?

எங்கோ தவறு நடந்திருக்கிறது.

தவறாகவே அரசு நடத்துகிறது.

'நல்ல போதகரே..." வெண்ணெய் தடவிய

இளைஞரை செவிட்டில் அறைந்தார் இயேசு

'என்னை ஏன் நல்லவன் என்கிறாய்?

கடவுளைத் தவிர எவருமில்லை."

முழுமை மனிதருக்கு சாத்தியப்படாதது.

ஆண்டவனுக்குத் தெரியும்

அரைகுறைக்கே ஆணவம் இங்கே தலைக்கேறும் என்று.