மரணிக்கும் மனங்கள்

ஆதியில் ஆண்டவன் படைத்தான்

மனிதன் குறையின்றி வாழவே படைத்தான் 

தனியே இருந்த ஆணுக்கு 

துணையாய் சேர்ந்தாள் பெண் 

இருவரும் இணைந்தாலும் இறைவனின்றி

உயிர் இல்லையே - உயிர் கொடுப்பவன் அவனே 

வாடிய பயிரைக் கண்டபோதெல்லாம் வாடினேன் என 

வாழ்ந்தவர் நாடல்லவா இது 

மானிட உயிரை மாய்த்திட - நெஞ்சம்

எளிதில் துணிந்தது ஏனோ?

கொலை செய்பவனெல்லாம் கொல்லப்பட வேண்டும் என்றால் 

கோடிபேருக்கு மேல் சாக வேண்டுமே நம்நாட்டில் மட்டும்.

ஆராய்ந்து பார்த்தால் அம்பலமாகும் 

பணம் இருப்பவனுக்கு அல்ல - திருந்திய 

மனம் உள்ள எளியவருக்கு மட்டுமே மரணதண்டனை.