ஒரு செயலல்ல
முணுமுணு மந்திரங்கள்
மூடிய நம் இதயத்தைத் திறப்பதில்லை
செபம் ஒரு மனநிலை...
தொட்டுக்கொண்டில்லாவிட்டாலும்
தொடர்பில் இருக்கும் உறவு.
ஆண்டவன்முன் அம்மணமாய்
இழப்பதற்கு ஒன்றுமில்லை என்னைத்தவிர
என்ற மனநிலை.
அது ஒரு உணர்வு,
என்னைவிடப் பெரியவன் என்னோடு இருக்கிறான்
அவன்முன் நான் ஒன்றுமில்லை என்ற விழிப்புணர்வு.
எனவே ஆணவத்திற்கு வழியில்லை.
அவன் என்னோடு இருப்பதால்
கவலைகளுக்கும் இடமில்லை
அவன் செயல்கள் நம் வழியாகவும்
நம் செயல்கள் அவன் துணையாகவும்
நடக்க ஆரம்பிக்கின்றன.
இறைமையில் இருக்கிறவனுக்கு
எல்லாமே இறையின் முகம்தான் - இதில்
இழிவானதென்று எதுவுமில்லை.
