ஆண்பால் பெண்பால் அன்பால்

வருடம் முழுதும் அடிமைப்பட்டவளை
வாழ்த்து சொல்லி விடுவித்தேன்
மீண்டும் விலங்கிடப்படுவது தெரிந்தும்
விடுதலையைக் கொண்டாடுகிறாள்.
பரோலில் இருந்தவளைப் பார்த்து சிரித்தேன்
குண்டு துளைக்காத கூண்டுக்குள்
நம்மாளின் சுதந்திர உரை ஞாபகம்.
சமம் என்ற சொல் சட்டத்தில் மட்டுமே இருக்க
முத்தலாக்கிற்கு காட்டிய வேகம்
சபரிமலைக்கு போகும் வழியில் 
நத்தையாகிவிட்டது.
உலகிலேயே இந்தியனுக்கு மட்டும்
சாதி போல பால் தருகிற 
கேவலமான கௌரவத்தை
இழக்கவிரும்புவேனா?
இளமை முதலே பழக்கப்படாததால்

நெடிலே தொடர்ந்து ஆளும்.