இந்தா வந்துருச்சுல்ல…

சிந்து சமவெளியின் மொழியே இதுவென
கீழடியில் கிடைத்த புதையலை ருசித்தபின்
அடுத்த செய்தி தந்தது அதிர்ச்சி.
காலடி மண்ணுக்கும் தனியார் தயாராகிறது.
மரக்காணம் முதல் வேளாங்கண்ணி வரை
ஹைட்ரோகார்பன் அனுமதித்து அவமதித்தது
மத்திய அரசும் மக்கள் அரசும்.
காவிரி, காவியால் கைவிரிக்கப்பட்டதால்
தண்ணீரின்றி தலைவிரி கோலத்தில்
பாலைநிலம் படர்வதைப் பார்க்கிறேன்.
அறுவடைக்கு தயாராகிவிட்டது நிலம்.
‘சமூக நீதியே நம் குறிக்கோள்’ என
வாயில் வடை சுடுகிறார் டீக்கடைக்காரர்.
கருணைக்கொலையை ஆரம்பித்திருக்கிறது
வளர்ச்சி பேசும் வாக்கு ‘வங்கி’ அரசு.