என்னைத் தெரியுமா?

நான் யாரென உனக்குத் தெரியும்
எனக்கும் தெரியும்.
உண்மையிலேயே 'நான்' யாரெனத் தெரியுமா?
எனக்குத் தெரிந்த நான் நானில்லை.
தெரிந்திருந்தால் நான் நானில்லை.
அதை உணர்ந்தவன் 
எப்படியும் இருப்பதில்லையே.
'நான்' அவனிடமிருந்தோ அவளிடமிருந்தோ 
மாறுவதில்லை.
உருவம்தான் மாறுகிறது உள்ளிருப்பது அல்ல.
எல்லோருக்குள் இருப்பதும் அதுதான்.
'நான் யாருனு தெரியுமா?' 
அரை வாளிதான் அப்படி சொல்ல முடியும்.
தெரிந்தவன் சொல்வதில்லை. 
அது தீயன செய்தாலும் கரைபடுவதில்லை
நல்லது செய்வதில் பெருமை கொள்வதில்லை.
மனிதருக்குள் மனிதம் மாறுபடுவதில்லை.

அடுத்தவர் துயரினில் மகிழாது
அவனோடு துடித்திடும்.
மனிதனின் மாண்பு அதுதான்.

இதை உணர்ந்திடும் மனிதனாய் இரு.
மனிதனாகவாவது இரு.