மன்றாட்டு...

அபார வளமும் அசுர பலமும் கொண்ட 
என் பூமித்தாயே வாழ்க
எளியோர் மட்டுமே உம்முடன் இருக்கிறார்
அதனால்தான் அவர்கள் எளியோராகவே இருக்கிறார்.
அனைவரும் நலமோடு இருப்பது பற்றிய பசியில்
ஆண்டுகள் கழிக்கிறாய்
அதிகாரச் சுவர்களை ஆன மட்டும் 
அவ்வப்போது எட்டி உதைக்கிறாய்
புனிதப் பெண்ணே – நின் 
புனிதப்போரில் பங்குகொள்ளாமைக்கு மன்னியும்.
மக்களைப் பற்றிய கவலை 
எங்களிடமிருந்து எடுத்துச் செல்லப்பட்டுவிட்டது.
எனது குடும்பம் மட்டுமே என் சிந்தனையில் ஓடுகிறது.
மாக்களாய்த் திரியும் நாங்கள்
மறுபடி காந்தி வந்தால் மனமாறலாம்
அதுவரை பொறுத்தருளும் தாயே.