என்னைத் தூக்கிலிடுங்கள்னு சொன்னீரே …

பதினோராயிரத்து நானூறு கோடி – நீரவ்மோடி சுருட்டியது.
ஏப்பமிட்டவன் எந்த நாட்டில் இருக்கிறானோ
அரசாங்கத்திடம் பதில் இல்லை.
லலித் மோடி, மல்லையா வரிசையில் இந்த வைர வியாபாரி.
வங்கி அடியாட்கள் மிரட்டியதில்
ஐம்பதாயிரம் கடன் வாங்கிய அய்யாசாமி தற்கொலை.

கால் கடுத்தாலும் பரவாயில்லை
கள்ள நோட்டு காணாமல்போனால் சரி என்றிருந்தேன்
வரிசையில் நின்று செத்ததுதான் மிச்சம்.
சுவிஸ் வங்கி கருப்புப்பணம் வருமென்றார்.
இங்கே போட்ட பணம் போனதுதானோ?
வளர்ச்சிப்பாதையில் வல்லரசு இந்தியா.